ನಿನ್ನೆ..ಇಂದು..ಮತ್ತು ನಾನು

                                               

                   

                                   

                                               

                                                 ಇವತ್ತು ನಿನ್ನೆಯ ಹಾಗಿಲ್ಲ         

                                                ಅಲ್ಲ...ಯಾವತ್ತಿನ ಹಾಗೂ ಇಲ್ಲ

                                                ಕೆದಕುತ್ತಿದ್ದೇನೆ ನನ್ನರಿವನ್ನ.....

                                                ಎಂದಿನಂತೆ.. ಧಾವಂತದಿಂದ ..

                                                ಫಲಾಫಲದ ನಿರೀಕ್ಷೆಯಿಲ್ಲದ ನಿರ್ಲಿಪ್ತತೆಯಿಂದ

                                                ಎಣಿಕೆಗೆ ಸಿಗದಷ್ಟು ಕೋಶಗಳ ಜನನ

                                                ಸ್ವಸ್ತ ಸ್ಪಷ್ಟಗತಿಯ ರಕ್ತಪರಿಚಲನ

                                                ದೋಷಮುಕ್ತ ದೃಢಕಾಯ

                                                ಆದರೂ ಇನ್ನೇನೋ ಗೋಜಲು ಗೋಜಲು

                                                ಅತ್ತ ನಿಶೆಯು ಅಲ್ಲದ ...ಇತ್ತ ಪ್ರಭೆಯು ಅಲ್ಲದ ..

                                                ಮಸುಕು ಮನಸ್ಥಿತಿ .....

                                                ನಿಜ..ಇವತ್ತು ನಿನ್ನೆಯ ಹಾಗಿಲ್ಲ ....

                                               ನಿನ್ನೆಯನ್ನೇ ನೆನದು ಮರುಗಿದ್ದೇನೆ..

                                               ಕೆನ್ನೆ ಕಂಬನಿಯ ಸ್ನೇಹಕ್ಕೆ ಸಾಕ್ಷಿಯಾಗಿದ್ದೇನೆ

                                               ಅಯ್ಯೋ....?!ನೆನಪಾಯಿತು ....

                                              ''ನಾನು ಅಳುವುದನ್ನೇ ಮರೆತಿದ್ದೆ''

                                               ಪ್ರೌಢಳೆಂಬ ಬಿಗುಮಾನದಿಂದ

                                               ನಗುವಿನಿಂದಲೇ ಗೆಲ್ಲುವೆನೆಂಬ ಭ್ರಮೆ ಯಿಂದ  

                                               ನಿಜ.. ನಿನ್ನೆಯ ಹಾಗೆ ನಾನಿಲ್ಲ..

                                              ಕಣ್ಣಿರಾಗಬೇಕು ಒಮ್ಮೊಮ್ಮೆ ..

                                              ಮನದ ಮಸುಕು ಕಳೆಯಲು..

                                              ನಗುವಿಗೆ ಬೆಲೆ ಬರಲು ..

                                              ಮಳೆನಿಂತ ಮುಗಿಲಿನಂತೆ ..

                                              ಸ್ಪಷ್ಟವಾಗುವುದು ಭಾವನೆಗಳ ಕಂತೆ ..

                                              ಸರಿ...ಇವತ್ತಿನಂತಿರುವುದಿಲ್ಲ  ಇನ್ನೆಂದು.....

                                                     

ಮರಳುಗೂಡು

                                                                                                                                                                    

         

                                       ಅಲೆಗಳು ಜಿಗಿಜಿಗಿದು ಬರುತ್ತಿವೆ

                                       ನಿನ್ನ ನೆನಪುಗಳ ಹೊತ್ತು....

                                       ಮೈಯನ್ನು ತೋಯಿಸುತ್ತಿವೆ

                                       ಮನಸ್ಸನ್ನು ಸಹ....!!

                                       ಅಪ್ಪಿ ಕೊಳ್ಳಬೇಕೆನ್ನುವಷ್ಟರಲ್ಲಿ..
                                       ಕೈ ತಪ್ಪಿ ಓಡುತ್ತಿವೆ.....
                                       ಅವು ಬಂದಲ್ಲಿಗೆ....ನಿನ್ನಲ್ಲಿಗೆ....
                                     

                                       ಬೇಡ ಕಣೆ..ಒಮ್ಮೆಯಾದರೂ ....
                                       ಬಿಗಿದಪ್ಪಿ ಮುದ್ದಾಡಿಬಿಡು  ಬಿಡು..
                                       ಈ ಮರಳುಗೂಡನ್ನು
                                       ಪುಡಿಯಾದರೂ ಚಿಂತೆಯಿಲ್ಲಾ...
                                       ಮತ್ತೆ ನನ್ನನ್ನು ತಟ್ಟಿ ಕಟ್ಟಲು
                                       ಬಂದೇ ಬರುತ್ತಿಯಲ್ಲವೇ ನೀನು..??!!
                                       ನೆನಪಾಗಲ್ಲ .....ನಿಜವಾಗಿಯೂ ....!!!


                                   

ಬಾಳಲು ಬಿಡಿ ತಮ್ಮಷ್ಟಕೆ ಸುಮ್ಮನೆ...

ದೇವರು ಭಾವನೆಗಳನ್ನು ಮನುಷ್ಯನಲ್ಲಿ ತುಂಬುವುದರ ಜೊತೆಜೊತೆಗೆ ಸಂಬಧಗಳನ್ನು ಸೃಷ್ಟಿಸಿರಬೇಕು.ನಮ್ಮ ಮನಸ್ಥಿತಿಗೆ ಅನುಗುಣವಾಗಿ
ಬಾಂಧವ್ಯಗಳಿಗೆ ಹೆಸರಿಟ್ಟು ಅದನ್ನು ಗೌರವಿಸುವವರು ನಾವು ..ಆದರೆ ಪರಿವರ್ತನೆ ಜಗದ ನಿಯಮ ಎನ್ನುವಂತೆ ಸಂ ಬಂಧಗಳು ಬದಲಾಗುವ ಸಾದ್ಯತೆಗಳು,ಸನ್ನಿವೇಶಗಳು ಸಾಮಾನ್ಯ..ಈ ಮನೋಮಂದಲದಲ್ಲಿ ಎಲ್ಲ ತರಹದ ಸಂಬಂದಗಳಿಗೂ ಸ್ಥಾನವಿದೆ,ಅರ್ಥವಿದೆ..
ಅವುಗಳ ಬಗೆಗೆ ಕಾಳಜಿ ,ಜವಾಬ್ದಾರಿ ಎರಡೂ ಇದೆ .ಎಲ್ಲವೂ ತಿಳಿದು ಬಹುಮುಖ್ಯ ಸಮಯದಲ್ಲಿಯೇ ಇವೆಲ್ಲವನ್ನೂ ಮನಸ್ಸು ಮರೆಯುವುದೇಕೆ??ನಿರ್ಧಾರವನ್ನು ವಿಶ್ಲೇಷಿಸಲು ಇಷ್ಟಪಡದ ಜಾಣ ಕಿವುಡೇಕೆ ಈ ಬುದ್ದಿಗೆ?                                                                     
ಇದು ಖಂಡಿತ ಸರಿಯಲ್ಲ..ಸಂಬಂದಗಳಿಗೆ ಮೋಸ ಮಾಡಿದಾಗ ಸಂಬಧಿಗಳಿಗಾಗುವ ನೋವು ಅಗಾಧ..ಇದು ಮನಸ್ಸುಗಳನ್ನು ಮುರಿಯಲೂಬಹುದು .ಒಮ್ಮೆ ಯೋಚಿಸಿ .....ಒಂದು ಉತ್ತಮ ಬಾಂಧವ್ಯದ ಹೆಸರಿನಲ್ಲಿ ಬೆಸೆದುಕೊಂಡ ಬದುಕುಗಳು ಬೇರೆಯಾದಾಗ ಅಲ್ಲಿಯವರೆಗಿನ 
ಆ ಬೆಸುಗೆಗೆ ಏನೆನ್ನಬಹುದು..??!ಬರಿಯ ನಾಟಕವೆಂದಾ !!?..ಬದುಕು ಬರಿ ನಾಟಕವಲ್ಲ ...ಆದರೆ ಬದಲಾಗುವ ಭಾವನೆಗಳೇ ಬದುಕಲ್ಲ.....
                                                                                                                                                                                                                   
ಇಷ್ಟಪಡುವುದು  ಅಪರಾಧವಲ್ಲ ನಿಜ..ಆದರೆ ಅದಕ್ಕೆ ಪ್ರತಿಯಾಗಿ ಇಷ್ಟವನ್ನೇ ನಿರೀಕ್ಷಿಸುವುದು ಮೂರ್ಖತನ ..ಕಾಡದಿರಿ ಕಾಳಜಿ ತೋರುವ
ಮನಸ್ಸುಗಳನ್ನು ..ಕೊಲ್ಲದಿರಿ ಸಂಬಂಧಗಳನ್ನು ...ಸಾಧ್ಯವಾದರೆ ಹುಚ್ಚು ಕುದುರೆಯಾಗುವ ಮನಸ್ಸಿಗೆ ಕಡಿವಾಣ ಹಾಕಿ......                 
                                     
                                       ನಿಂತ ನೀರ ಕಲಕಬೇಡಿ ಕಲ್ಲುಗಳೇ
                                      ಹೂದಳಗಳ ಇರಿಯಬೇಡಿ ಮುಳ್ಳುಗಳೇ
                                      ಏನಿದೆಯೋ ಏನೋ ಅವಕೆ ತಮ್ಮದೇನೋ ..
                                      ಬಾಳಲು ಬಿಡಿ ತಮ್ಮಷ್ಟಕೆ ಸುಮ್ಮನೆ....

ನಿರೀಕ್ಷಣೆ.....

                                      

                                      

                                       

                                       ದಿಟ್ಥಿಸುತ್ತಿರುವೆ  ಅಳೆಯಲಾಗದ  ದೂರವನ್ನ

                                                 ಬೆಟ್ಟಗಳ ಸಾಲು ...ನಿನ್ನ ನೆನಪಿನಂತೆಯೇ ..... 

                                                 ಒಂದರ ಹಿಂದೆ ಒಂದು ..ಅಲ್ಲೇ ಇಣುಕುವ ಇನ್ನೊಂದು ..

                                                 ಕಂಡು ಕಾಣದ ಮತ್ತೊಂದು .....

                                                 ಶಿಖರದ ತುದಿಯನ್ನಪ್ಪುತಿಹ ಭಾರ ಕಾರ್ಮೋಡ ...

                                                 ನನ್ನ ಮನಸ್ಸಿನಂತೆಯೇ ... 

                                                 ನಿಟ್ಟುಸಿರ ಜೊತೆಜೊತೆಗೆ ಧಾರಾಕಾರ ವರ್ಷಧಾರೆ

                                                 ದೃಶ್ಯ ಮಸುಕಾಯಿತು ....

                                                 ಬೆಟ್ಟಗಳ ಸಾಲು ಕಾಣದಾಯಿತು .

                                                 ಅಲ್ಲಲ್ಲ....ದೃಷ್ಟಿ  ಮಸುಕಾಯಿತು...

                                                 ಕಂಬನಿಯ ತೆರೆಯಿಂದ 

                                                 ನಿರೀಕ್ಷಣೆ ವ್ಯರ್ಥವೆಂಬ ಸತ್ಯದಿಂದ.....